今日仍然SL，本來可以唔理我上司，由得佢死，但於心不忍，兼同CD夾咗今日拍團體照，不想阻人，所以返咗去。但係都真係…..= =" 以下係我同我家姐的對話，我告訴她今早的情況，綜合了後成文：
我今朝返咗輪工， 本來今朝CD要拍團體照，但昨日有佢哋嘅同事入咗廠，ML(我上司)又唔通知我，等我批晒盪返去添。咁要同佢對我啲大假同電郵啦！梗係舞女做旗袍，非改不可，張電郵改到超無聊咁出啦！佢仲不不斷咁問我啲病假係因乜事放喎？
咁我前前後後講咗四次上呼吸道感染佢都仲問。原來佢嘅記憶只去到我之前話喉嚨好似有點嘢唔退….聽講係兩三週前的事！= ="又問我今次攞幾多日病假？我話咪兩日囉！問我有冇病假紙，我話有呀。咁攞出嚟比佢睇，我話我唔需要出示病假紙喎，因為只係兩天病假。佢話要澄清，我話好，歡迎之至。心諗，你個懵上司月頭先踩氹嚟之嘛，咪你兩位單身貴族衰埋同一科囉。
我姐說 : 保持平靜，學習接納她暫時無能力改變兼且她尚在忿怒中，`學習耶穌，寬恕她吧，因為她所作的她不知道。親愛的妹妹，你要感謝天主，你得半條人命都勁過很多人。
咁我又繼續同我姐講，我今日不知幾平靜呀，佢一啲位都入唔到我呀！
佢又問我昨日留言請病假點講咗啲乜？我話，我昨日的留言係話我唔係好舒服，要請一天病假。今朝個留言係，我醫生開埋今日病假比我，但我知CD要拍照，你又需要同我對大假，咁我盡量九點半前返到。 佢又再問我乜嘢病？XDXDXDXD勁無奈呀！
又話嗰日攞我去年預算大假表是啱的，我即答，我冇話你錯，但你應該問C攞。佢話佢最快的程序就係問我攞。我話我冇keep。佢話你冇keep一件事，總之我最快係問你攞。我話，最合適的途徑係問C，我都係要問KWH同事摷之嘛。佢就話我啲嘢咁死板，冇彈性。我話：ML，所以我當日都冇同你拗吖，冇話唔搵比你吖，仲立即叫KWH傳過嚟比你 la，我係好有彈性嘅人嚟格。
對晒啲假後，我比佢簽，佢又叫我等佢對埋先，我話不如你慢慢對，我返工先傳真，我今日係不應出現的，我攰到真係得番半條人命。佢又問我可否交月結比佢，我心諗，你傻嘅咩！我答，唔好意思呀，我諗唔得 lu~，咁佢叫我6號之前交，我話好，我5號返嚟做，佢話我唔理你吖，總之6號你要交到比我。(佢自己經常26號都未交到)
最後佢仲話呀：我今日要你返嚟，係因為我要好清楚你啲假先可以出電郵，你唔好話我唔理你病到咁都要你返嚟呀。我話：ML，我已經好清楚喺個留言度講咗，知道今日CD拍照，亦知你要面對面傾嘅，所以我自願返嚟，如果我唔自願，我係唔會返嚟，你都迫我唔到。所以我冇咁諗過。係我自願返嚟嘅。
跟住佢叫我走，我話未得喎，仲有個Refer要交喎。咁張referral form我啲字鬼五馬六咁，佢又好唔滿意啦！我解釋，ML，當日我係病房，連企都差啲企唔穩呀，所以好勉力先寫到呢段嘢，姑娘嗰張係好些少嘅。佢話我以為呢張係比姑娘嘅，所以叫你一筆筆咁寫。我話我已盡力格嘞，我都差啲躀低咁滯，所以自己嗰張肉酸啲囉。
仲有仲有，佢問除咗佢有冇人搵過我喎，我問公事定私事，佢話梗係公事，我話冇喎。佢話好難搵我，我話係呀，我熄晒電話瞓覺。佢又問我幾點收到佢搵我，咪六點幾起身時囉！= ="
哈哈，我最強的病徵係：坐到一半我要著住件抓毛外套同佢傾，係佢從未見過嘅！死未！雖然我化行晒妝，但身子都係弱呀！
啲人真係呢…..我都無話可說，查實我真係太好人，因為病係我嘅私隱，我根本無需同佢解釋咁多。
;
我是索媽──時髦的新一代媽媽.......生 