昨晚天恩已提醒我:媽咪,你唔好忘記明天我是放假的啊!別一大清早就叫我起床啊~~~
可是…..今早一個唔覺意,差點去叫醒了她!嘻~~~發覺了自己起錯身便又再睡下~~~:P
八點多朋友仔叫醒了我,傾訴了大半個小時,天恩待我掛線就敲門進來說想吃自助餐。orz….小姐,今天是公假哩……試了幾間,終於找到金域假日酒店,不算太貴,匯豐信用咭還有75折。去馬~~~~
差不多十多年沒有幫襯過Golden Mile,舊地重遊,咖啡室裝修過了,跟以前不同。基本食物也對口味。先試點心啦~~~OK架,跟住吃了燒大磨菇和煙三文魚便去試湯。是日西湯是青豆忌廉湯,中湯是無花果,當然是先中後西。中湯係淡啲囉….西湯,說是忌廉湯但好稀吓,青豆湯一貫是有雜菜碎粒和法蘭克福腸的,舀一匙連湯料的,竟然咀嚼到像是豆殼的東西。還以為是香料的殼,諗住咬多兩口才吞,可是,啃不爛的?吐出一看,咦!銀色的?
原來是錫紙…=.=
揚手叫了部長來,他立即向我道歉及告訴我會把整鍋湯倒掉,並會替我送上兩碗新的湯。據他猜測是運送時蓋了錫紙,撕開時不小心掉下鍋裡。然後把兩碗湯收走。三分鐘後,他又再走來,說表示誠意,請我們飲嘢,天恩揀了西瓜汁,我就諗唔到飲乜。結果天恩飲第二round時我才決定飲芒果汁~~~
侍應早已告訴我芒果汁不是鮮榨的,無所謂吖~~~據我所知,這類芒果汁,大多是阿方素芒果製成品來的。尤其Golden Mile是印度望族所持有,更加會用這個來源。真係好好味~~~
食完buffet,跑去旺角看我睇開的老中醫有沒有開工,哈~~有!執了三劑~~~內服外敷~~~希望得啦~~~~
醫師話我肝熱喎,又有啲濕。(阿吳師父聽見又揶揄我一番,說肝熱叫我自行執鷄骨草就好了,根本不用去睇!=.=!)其他的當然我就忘記了啦~~~
啲藥煲起超濃黑,但飲落又唔苦噃~~~我早已戒除所有送口的涼菓,Ginem不在茅人同我消化佢,所以執藥時已拒絕了涼菓。
今日大家姐去做分享,同場遇見我好多老友,老友們都告訴她好久不見我,是時候找我聚聚了~~~好快架嘞老友記!下週出關架嘞~~~~^^
昨晚同天恩講好數,所以佢都叫達標完成佢功課的使命!希望佢繼續努力維持佳績~~~今日仲接到退休老師來電,約好週四下午來替她補補數,真的感激她的熱心幫助!為報答她的善意,要為她多祈禱~~~
個傻妹今朝出門口時仲問今晚係唔係去酒樓食飯喎….小姐,咪玩啦!中午食得咁飽,點仲去酒樓食飯呀…..結果,打道回府後佢怒煲碟,我就打掃煲藥做家務,最後:煮黑蒜油豬骨出前一丁比佢啦~~~當然係配佢近期至愛嘅食物:鳴門卷!(今朝喺bufrfet都有,叫廚師重手煮咗比佢) 另外再加皇帝蟹柳同牛脷,大家廿分滿足!
今日大贈送,比佢TV送飯,仲有得打機,所以夠鐘叫佢上床都比平時順攤咗~~~梗係!今日樣樣都順利嘛~~~一早都同佢講咗,早早做好功課,可以做乜都得咁滯架啦~~~~
感謝天主~~~