~~劇終~~
27 二月 2007 2 則迴響
in 婚姻輔導歷程
老懷安慰
27 二月 2007 1 則迴響
in 寫我心情
過年旅行時笑料兩則
24 二月 2007 發表留言
in 旅行
一、抽利是
新春去了MC,在彼邦玩抽利是。數年前和一眾姨甥玩時,被噓,今年,姨甥又心癢癢的纏玩。
準備工夫可不能馬夫,基本上,他們原有的都要有在內,於是設計了二十多封份量不同的紅封包。
四個姨甥中,Eric最好運,一抽便中,仲抽到特大奬,除了應得的最高金額外,仲附有兩張各面值$50的長途電話卡!Sonia也不俗,全抽中目標金額。Issac稍遜,但有一封中的,一封麻麻。Jason則抽中騎哩奬,仲要係兩封係!XD
先講講啲弱勢利是的『內涵』:分別有些是最基本的十蚊,有廿蚊,仲有平時佢哋年年收開的金額。另外有些附有或獨立載有麥噹噹魚柳飽套餐券、麥噹噹1-9號餐餐券、麥噹噹乳酪贈券、海洋公園入場費八五折優惠、麥噹噹紀念書簽、零食物語九折優惠、零食物語現金券等。當Issac以物換物抽到目標金額後,就只剩Jason手拿一堆花碌碌的『贈品』。其實他抽到$50零食物語現金券格,但佢仍要再抽,於是到最後,我只剩下三封利是!有兩封其實係原本佢應得嘅,一封係特別奬!
Jason盡地一煲把手上的利是和贈品全數給我,以換取一次重抽的機會。其實佢總共已抽了好多次,你諗吓,我有廿幾封利是,其他姨甥共抽了最多十封、八封,其他係佢個人獨抽,你都咪話,好厲害吓!
佢一抽,我連隨收起其他兩封,並即時笑出眼水!因為佢抽到特別大大大大奬!佢打開都笑到抽筋,在場無一不笑到碌地,因為佢抽到:…….登登登登!
Nicholas讀幼兒班時的校服look護照要求款式的過膠3R玉照一幅
你話佢幾黑吖!家姐最後都笑住話,看來佢可以疊埋心水去做神父,因為乜都抽唔中,同神貧非常吻合!連佢自己都話笑到標眼水。->v<-
二、盲女
初三在酒店吃完早餐,回房執捨行裝。Nicholas餐餐搵唔到我就會大喊十。佢游咗入房後唔多理我,我順勢翻過身躺在床邊地上,消失在她視線範圍內,但其實只要佢行近窗口張椅就會見到我。
佢好快咁行過,但一路直視,完全混然不覺我躺在地上,又走開了。房中各人輪流問她我去了那裡?佢答媽媽喺厠所,搵咗一輪無發視,又話喺隔離房,又搵唔到,開始焦急想喊,Jason不忍心,指示了我的位置,但她楝直喺我腳尖位置超過20秒都仲見唔到我。全房人又笑到流眼水,包括我,我笑到震震吓,有啲郁動佢先發現我瞓咗喺地上,即時破涕為笑。真係盲嘅!XDDDD
嗬,想通了!
23 二月 2007 2 則迴響
in 寫我心情
我的情人節就是這樣渡過的
15 二月 2007 4 則迴響
in 日誌
T昨晚來電問我今晚是否有空,我答曰已約人,因為約了二姐收機。他說想見見我,我說中午吧,他有點猶豫,最後叫我離開二姐家時致電給他。我覺得呢要約人早一點嘛,我雖然是甚少慶祝情人節,但那麼特別的日子,也不是今天約明天吧!但,若你問我,我若非約了二姐,會去赴約嗎?答案是:不!因為我知他壓根兒沒有準備和我慶祝,無謂大眼瞪小眼的過一夜。
收了工便去二姐處,最後扑鎚吃壽司刺身拉麵,誰不知,我剛和二姐一家吃完晚飯,正準備去老麥申請媽咪咭時,他赫然在我們眼前!都好驚嚇啫,冇預料佢會喺嗰個位置出現。
二家姐話佢個樣好怪,因為佢又擺出嗰副好down嘅死樣。搞掂後二姐先回家,我搭巴士,問他有甚麼跟我說,他說只想見見我。有話怎麼不說?他的手不停的撥弄著口袋和胸口的拉鍊,我沒有好氣。飯氣攻心,要不是他跟在一旁我還可以眠一眠。他問我是不是不想見到他,我說不是,他問我做甚麼?我答沒甚麼,跟著找到個好機會叫他自己封一千蚊十蚊利是,等佢都感受吓我年年封通宵的滋味。一路跟我回家取零錢,問我找人替我換錢定自己去排隊?誰替我換?只很簡單答:朋友。
他回到家在背包中取出三排黑巧克力,說知我鐘意食,我謝過便放在枱上。他不說或不送還好,一送我又想起我所有的平靚貨給他帶走吃過精光了!有點肉赤。然後就走了。
*****************************************************************************************************
今日忘記帶辦公室鑰匙,比個舍監勁串:『吖,唔知點先可以令你記得帶鎖匙呢?……你都答唔出哩!……我呢度唔suppose借匙鎖比你格!』
很想對她爆粗,但,鬼叫自家忘了帶匙咩!= =! 之但係,那有一個人可以記得所有的事?我都好想話佢知我呢個係死症,冇得醫,只會越來越差!如果唔係咁啱同事都不在,真係唔使求佢呀!下次有機會都要串返佢兩咀先,仲要係我串咗佢仲要扮無知,等佢以為我無心之失,又唔可以發作至得。不過其實我邊有咁高招!等下庄同我報仇啦!我都擺唔到幾耐。
跟住約了今天來上課的青年和執事,便去集合地點等。之前同執事講笑叫佢帶花嚟,要三枝,否則唔好上堂,佢幾認真呀,帶咗條金莎,仲問我乜唔係要收入場費咩?勁感動呀!連隨約埋J出嚟情人節午餐啦梗係……我同J請客。沙田青年一路答唔上咀,但駭笑不已!我說,未見過這樣的PCW 哩,但別怕,弊公司只得我一個這樣騎的人,冇第二個格嘞!一路我哋互相有來有往,阿J 最後失手,講錯說話比我勁上位,以為是全餐飯的高潮,因為佢又將我同大姐的身份對掉,話:『我同你妹講呢….』未完我已回咀:『哼,你唔使去美國讀書嘞…..菲律賓混印度吓嘩,去到美國就有人幫我拉BANNER接你去賣格嘞!』配以我不屑的眼神,阿J 梗係知衰咗,點知執事那招看似明白比我們識穿,實情是全然唔知,慘成笑柄,佢仲要即席示範一錯再錯,最後不得不坦白從寬告訴我:『我不嬲都將你兩姊妹調轉撈亂格嘞!』阿執事,所以唔好扮醒。大家以眼水收場!
呀,係呀,J ,恭喜你可以以交換生身份去美國一個學期,讀萬卷書不如行萬里路,盡情享受這個學期嘞!
*****************************************************************************************************
晚上打電話比女,佢話睇緊電視喎,但跟手啲內容笑到我標眼水,唔該各位話我知究竟佢睇嘅係乜嘢節目:
女:媽咪,我睇緊電視呀!
我:係呀,睇緊乜呀?
女:黐孖根抵死
我:吓??乜話?黐孖根抵死?
女:係呀,………..(聽唔到佢講乜)….個彩虹博士黐住咗喺本書處呀!
我:哦,睇緊彩虹博士呀……= =!
女:係呀,師奶真抵錫呀!
我:吓,師奶真抵鍚?係咪真係有呢個節目o架?
女:係呀!
我:XDDDDD ->v<-
一週無休
11 二月 2007 4 則迴響
in 寫我心情
So Tired!
10 二月 2007 2 則迴響
in 寫我心情
抹晒汗
09 二月 2007 發表留言
in 人格與靈修