同病相憐

唔知係咪病都會有條路？我同索不約而同的病了！

 

佢咳到飛起，我就發燒都唔知！

 

今朝起床，又試成個喉嚨腫晒；其實昨日已經如是，今日嚴重咗。終於都係決定被醫生診斷吓好啲，多得老細建議睇西醫，先知自己發緊燒！因為我長期食Steroid，所以燒唔起，勁無奈！我仲以為係喉嚨痛，但醫生話其實係淋巴核腫了，即係發炎！又因為長期食Steroid，連醫生都唔認得我！上次因為冇帶身份証，診所又唔見咗我牌版，醫生因為唔認得我，所以唔睇我。今次當開新症，醫生都係話唔好意思，上次唔認得我。咁佢一路問返病歷，我講到我CA Breast Mastect佢即刻有晒反應！猛問我有冇改名？點解唔同咗樣？==” 唉！我都唔想，都係食藥之故，佢跟住就記得二家姐個名添！

 

因為咁佢再問我有冇燒，我話冇。出去等配藥，佢叫護士同我再探熱，咦，有點燒，佢召返我入房，解我知個原理先放我走，因為要食埋抗生素。

 

睇完同二家姐食埋晏，先至回家眠眠，在途中已好想瞓。結果，在家瞓到唔知醒去接大家姐，好在佢知我病緊，唔係又剷過。忘記同佢講，我同二家姐研究咗，佢呢輪成日唔好老脾，會唔會係已達……XX期？XDXD 都係免提嘞，等佢心情好先啦！

 

藥到果真病除，個喉嚨消腫了！下午回家途中我已向老細報告病況；多謝佢醒我睇西醫，佢仲即刻教我煲木瓜瘦肉湯，補水同維他命。雖然我知啲維生素一煲就冇，都好感激佢呀！即刻叫G煲我飲，仲預留明日帶番工飲。